ازاى تقدر تفهم كلية تجارة وتجيب اعلى تقدير

من طرف **RADWAN** الخميس مايو 20, 2010 7:55 pm

اللى هقوله ده
مش موجه لكلية تجارة معينة اى كلية تجارة فى اى جامعة مصرية المهم تفهموا
كلامى كويس اولا كلية تجارة عامة عاملة زى اللعبة ازاى تقدر تفهمها عشان
تعرف تلعبها صح وتقدر تنجح وتجيب فيها تقدير اولا حضور المحاضرات والسكاشن
ليه جانب فى النجاح والتفوق لكن مش كل حاجة ممكن يكون نسبته فى النجاح
والتفوق لاتتعدى 50 % طيب 50% التانيين عبارة عن ايه
.................................................. ...........

اولا
لازم تكون صاحى وواعى للكلام اللى بيقوله الدكتور كويس فى المحاضرات ولو
انت مبتحضرش ياسيدى ابقه اسال زمايلك اللى بيحضروا واعرف منهم اى حاجة
جديدة او مهمة الدكتور ركز عليها وقال عليها فى محاضراته
ثانيا
لازم تفهم عقل الدكتور كويس وتعرف ايه هى الابواب اللى ممكن يركز عليها
وايه هى الابواب اللى ممكن ميركزش عليها اوى ودى طبعا بتعتمد على فراستك
انت يامعلم مش على حد تانى ياعنى من الاخر خليــك ناصح

ثالثا
حاول بقدر الامكان انك تحضر المواد العملية فى الكلية زى المحاسبة
والاحصاء والرياضة لكن المواد النظرى دى حسب مزاجك انت لانك ممكن تمشى
فيها من خلال انك تجيب الكتاب وتخلص كل فصل فيه وطبعا موضوع تلخيص الكتاب
ده امر يطول شرحه بس هقوله فى نقطة واحدة فى انك تجيب كتاب دكتور المادة
النظرية وتجيب اهم العناصر الموجودة فى كل فصل وتجيب تلخيص بسيط لكل عنصر
تكون فاهم العنصر ده بيتكلم عن ايه كويس

رابعا
حاول تصاحب اللى اكبر منك فى الكلية ويكونوا فى فرقة اعلى منك لانهم
بيكونوا عارفين الدكاترة كويس وتسالهم عن طريقة الدكتور فى وضع الامتحان
واهم الاسئلة اللى ممكن تيجى وبيكررها كل سنة وعلى فكرة الدكاترة بيكرروا
الاسئلة فعلا كل سنة ودى عن تجربة وياسيدى لو مش عاوز تصاحب وتبقى منعزل
اوك هات انت المرشد الخاص بالامتحانات السنين السابقة وشوف الدكتور ده
امتحاناته عاملة ازاى وحاول تفهم عقليته كويس

خامسا
قبل الامتحان بكام يوم دور على المراجعات النهائية اللى بتنزل فى المكتبات
وهاتها وذاكرها كويس جدا جدا جدا لانها بيكون فيها كل الاسئلة المتوقعة فى
الامتحان واكيد فى مكتبات مشهور فى المجال ده هات منها ومتروحش لمكتبة
مافيش حد بيسمعلها حس وتروحلها اللهم انى بلغت لازم تروح للمكاتب المشهورة
فى المنطقة اللى انت منها
سادسا ادخل
الامتحان وتوكل على الله وببركة دعا الوالدين ودخل بدع فى الورقة وطلع
فيها كل حاجة انت ذاكرتها واللى مذكرتوش

سابعا
ودى نصيحة متسيبش سؤال فى ورقة الاسئلة متحلوش متقوليش الحبر خلص ومعرفتش
اكمل اشترى 3 اقلام جاف وانت رايح وحل الاسئلة اللى تعرفها والاسئلة اللى
ماتعرفهاش حلها باى طريقة طلعلها اى حل بس مش اى حل لازم يكون حل فى
الموضوع ده

ثامنا
انا عارف انى طولت عليكم وشكلم كده عاوزين تناموا وانتوا قاعدين فكفاية
نصايح لحد كده ولما تنجحوا وتجيبوا تقدير مستنى منكم الحاجة الساقعة
وياريت تكون كانز