اصعب اختيار في الحب؟؟؟؟؟؟؟

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح
بس هقول ايه هى الاجابة المنطقية يا ترى


يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه

نورتيني بمرورك ياقمرنا
يسلموا كلك ذوق

شرفتوني بارائكم والله
رايكم جميل
بس انا قصدي اعرف ردودكم لو اتحطيتو في مواقف زي دي لا قدر الله
مروركم كريم وعزيز عليا وميرسي ليكم مرة تانيه

ربنا مايحطناش في مواقف زي دي ابدا يارب

ااااااااااااااااااااااااامين

وقعتيني بالسؤال ههههههه
رايي اني عمري ماهياس من محاولة اقناع اهلي برايي في الانسان اللي اختارني واختارته
وحتي لو قعدت طول عمري اقنعهم اصلي انا من النوع العنيد لازم هاقنعهم بشئ
او هما يقنعوني برايهم بس لاسباب تستاهل ونناقش الاسباب مع بعض

شرفتني بمرورك اخي

شكرا علي لطيف الهوي علي موضوعها
هو موضوع محير شوية بس
في مثل بيقول"كل شئ بالخناق الا الجواز بالاتفاق

هههههههه هنمشي حياتنا بالامثال ولا ايه
مشكورين لمروركم الجميل
ياريت الكل يشاركنا برايه في الموضوع ده لانه منتشر اوي الزمن ده

اسفة بارد متاخر بس الموضوع دا اول مرة اشوفه


انا من رائى ان مش هتجوز من ورا اهلى حتى لو هموت من بعد الانسان دا لان دا حراااااااااااااااااااااااااام

بس هحاول اقنعهم بيه واوضح لهم انى مش هاعيش من غيره ولو مش اتجوزته مش هتجوز حد والكلام دا كله




وانا عن نفسى مش هجرب احب قبل الجواز علشان المواقف دى


تقبلوا مرورى اللى جاى متاخر اوى دا

مرورك جميل اختي
كلامك جميل وده رايك وانا بحترمه جدا
تسلمي حبيبتي

انا شوفت اني اللي بيشاركوا بنات بس هو الموقف ده مش ممكن يتحط فيه شاب ولا ايه ماهو ممكن الاهل يقفوا ضدك ياتري راي الشباب هيكون ايه ؟؟؟؟؟؟؟؟؟؟
منتظرة ردودكم اخوتي في الله