كيف تقدم على التربية العسكرية فى جامعة جنوب الوادى

من طرف **RADWAN** الجمعة فبراير 19, 2010 3:12 pm

معلومات مهمه عن التربية العسكرية يا جماعة ازاى تقدم عليها وايه المطلوب وفين هتاخدها

كل الحكاية انك تروح الشئون تسأل على مواعيد التربية العسكرية وتشوف المعاد المناسب وتسال
عن بداية التقديم قى الميعاد دة بتكون امتى
المواعيد اللى انا اعرفها هى
نصف السنة يعنى قبلما تمتحن او اثنا الامتحانات تروح تقدم
وفى كمان فى شهر 3 بس مش عارف امتى بالظبط
وفى كمان اخر السنة ودى فيها دورتين بيتهيألى يعنى ممكن فى اول الاجازة الكبيرة او اخرها

وكل اللى حتقدمه هو صورة البطاقة وصورة الكرنية و صورتين "صورة شخصية طبعا "

والتربية
العسكرية بتاعت جامعة جنوب الوادى بتكون فى كلية الهندسة الجديدة وهى كانت
كلية تربية زمان بس كانت فى زمانها كلية محترمه تصميمها بالظبط زى تصميم
القصور والله العظيم

وسهل انك توصلها تركب من محطة القطار اى
مواصلة وتقول انا عايز اروح المعبر عند كلية الهندسة الجديدة هى معروفة
وشكلها ظاهر لانها واسعة وكبيرة

فى هناك مكتب مخصوص للتربية العسكرية بتقدم ورقق ويديك المعاد بتاعك وتروح فيه وتاخد الكرنية اللى حتحضر بية التربية العسكرية كل يوم

وهناك فى عقيد محترم جدا هو اللى حيديكم المحاضرات كل يوم وهو لذيذ وقصصه عن حرب اكتوبر شيقه جدا

تم نقل الموضوع من معلومات اخونا الحبيب حمادة العلامى

موضوع مهم جدااا وشيق كمان

ولى اضافه عليه بعد اذنك رضوان

نصيحه تاخد التربيه العسكريه قبل السنه النهائيه علشان متتعطلش مع التجنيد وتتخلف عنه بسببها

وشكرا ليك رضوان

من طرف hamada.elalamy السبت فبراير 20, 2010 1:25 am

كلامك صح يا محمد ضياء لازم الواحد يخلص التربية العسكرية قبل التخرج
لانها بتعطل الجيش وتخلى الواحد يتخلف سنة عن الجيش ودة غلط لانه لما بيروح يفرز بيتاخد على من الدار للنار يعنى
وحصلت وفى طالب متخرج معانا من البحر الاحمر وحصل معاه نفس الكلام وكا ن زعلان
لانه ما كانش عنده فكره بالموضوع وما يعرفش طبعا

فلازم الناس تاخد بالها يا جماعة

وشكرا

من طرف **ahmed abas** الأربعاء مارس 03, 2010 12:22 am

بارك الله فيك وجزاك الله خيراااا

من طرف hmada الأحد مارس 07, 2010 11:34 pm

طيب انا عايز اعرف الحوار ده للانتظام بس ولا للانتساب كمان ياريت حد يرد عليا

من طرف **RADWAN** الإثنين مارس 08, 2010 12:04 am

hmada كتب:طيب انا عايز اعرف الحوار ده للانتظام بس ولا للانتساب كمان ياريت حد يرد عليا

لا يا مان التربية العسكرية اجبارى على الجميع ومش هتاخد شهادة التخرج من غيرها على العموم الحق نفسك فى كلية الهندسة واحجز وخدها وخلص نفسك انا رايح بكرة ان شاء الله وهحجز واخدها والاوراق المطلوبة مكتوبة سابقا فى الموضوع بالتفصيل
لو عندك اى استفسار تانى انا معاك
وتقبل مرورى اخوك رضوان