طلب من سيادة المدير...مش عارفة من حقى ولا

من طرف sea lover الخميس مارس 11, 2010 12:40 am

السلام عليكم ورحمة الله

انا حادخل ف الموضوع ع طول علشان الانجاز
انا كل يوم بشوف اسماء اعضاءف المنتدى بس منعرفش عنهم حاجة
ولا عمرنا شوفنا منهم اى مساهمة ف اى قسم خالص

بصراحة دى حاجة تدايق
كان لى رائى ف الموضوع دا
وهو ان الاعضاء دول تتحذف عضويتهم من المنتدى خالص
وكمان ينكتب ف شروط الالتحاق بالمنتدى اذا لم تسجل عدد معين من المساهمات خلال اسبوع مثلا سوف تعرض عضويتك للحذف

انا مش عارفة لى حق ف حاجة زى كده ولا لا
بس بصراحة شايفة انهم عبئ ع المنتدى لابد من التخلص منه
مش لاقيه كلام اكتر من كدا
السلام عليكم ورحمة الله

من طرف **RADWAN** الخميس مارس 11, 2010 3:38 am

ينقل لقسم الاقتراحات والشكاوى

من طرف **RADWAN** الخميس مارس 11, 2010 3:48 am

طبعا ليكى حق وكل عضو هنا ليه حق انه يقول كل اللى هو عايزه بخصوص اقتراحات وتطوير المنتدى
ثانيا كلامك جميل ومظبوط يا سى بس احنا بصراحة مانقدرش نعمل كده علشان ممكن نحذف ناس وفى الاخر ممكن تحب تشارك مثلا بعد فترة وفى كمان ناس بتشترك هنا علشان الرسائل الجماعية اللى بنبعتها كل فترة لجميع الاعضاء لانها بتكون مهمه
اخر حاجة والله احنا يا جماعة نعمل اللى علينا ونحط المعلومات هاللى تفيد الطلبة ونعمل كل اللى نقدر عليه واللى عايز يشارك اهلا وسهلا لانه فى الاخر الخير اللى بيعمله بيعمله لنفسه واحنا هنا اى حاجة بنعملها مش بنستنى شكر من عضو او حد لأ احنا ان شاء الله اجرنا وثوابنا عند ربنا والمنتدى ده تعليمى وهدفه خدمة اعضاء وطلاب جامعة جنوب الوادى عن طريق مساعدة بعضهم البعض يعنى اللى عايز يفيد حد ويعمل يدخل هنا والعكس اللى عايز يستفاد برده يدخل هنا وزى ما قولت ده منتدى يعتبر تعليمى يعنى هدفه الاول والاخر العلم (وخيركم من تعلم العلم وعلمه)
وتقلبوا مرورى
مع خالص تحياتى اخوكم رضوان

من طرف عمر الخميس مارس 11, 2010 3:50 pm

صعب حذف اعضاء بدون سبب او بسبب انهم مش بيشاركو ا فى المساهمات والردود لان كل شخص ليه ظروفه او اسلوبه فى استخدام المنتدى , اعتقد ان المفروض تتحذف عضوية الأعضاء المسجلين باسماء غير لائقة او الفاظ مش مناسبة واللى بيخالفوا قواعد استخدام المنتديات

من طرف sea lover الخميس مارس 11, 2010 10:43 pm

خلاص يا مدير اللى تشوفه
دى كانت مجرد وجه نظر
شكرااااااااااااااااااااااا

طلب من سيادة المدير...مش عارفة من حقى ولا

طلب من سيادة المدير...مش عارفة من حقى ولا

رد: طلب من سيادة المدير...مش عارفة من حقى ولا

رد: طلب من سيادة المدير...مش عارفة من حقى ولا

رد: طلب من سيادة المدير...مش عارفة من حقى ولا

رد: طلب من سيادة المدير...مش عارفة من حقى ولا