راجل عاطل بس ذكي جدا

من طرف **RADWAN** الثلاثاء مارس 02, 2010 10:35 pm

راجل عجوز كل يوم
يروح البنك ويودع 5000 جنيه فى حسابه... الموظفين استغربوا

وفى يوم قاللهم المديرلما ييجى نادوه أكيد هو غنى ولازم نستفيد منه

لما جه الراجل ودخل البنك دخَّـلوه الموظفين على المدير ,قالّه المدير: أنت بتشتغل إيه؟

قاله: عاطل مابشتغلش

قاله المدير: منين كل الفلوس دى؟

قال:أنا براهن الناس بـ 5000 جنيه ودايما باكسب

قاله المدير: مش ممكن ... قول الحقيقة

قاله : خلاص تراهن بـ 5000 جنيه إنى اقدر

أبوس عينى

قال المدير: أراهن...

قام الراجل وفك عينه وباسها ورجعها (عينه زجاج تركيب)

قال الراجل تراهن بـ 5000 جنيه إنى اقدر أعض ودنى, المدير بعد ما فكر و اتأكد إن مافيش ودن تركيب

قاله: أتحدى

الراجل فك طقم اسنانه وعض بيه ودنه ورجعه

المدير إداله 10000 جنيه

و مشى الرا جل و تانى يوم الصبح لما دخل الراجل البنك نادوه

الموظفين ودخلوه على المدير قاله المدير يا ابن الحلال عشان خاطرى

رجعلّى فلوسى

قاله : خلاص أنا حاراهنك على حاجة إذا إنت كسبت

حاديلك ال10000 وإذا أنا كسبت تدينى 5000 جنيه قال المدير على إيه تراهن

قاله : تراهنى أن لون غيارك الداخلي أزرق

قال المدير و هو فرحان: لا طبعا مش أزرق (متأكد بقى)

قال الراجل: لا أزرق

قال المدير: لا مش أزرق

قال الراجل: خلاص اقلع البنطلون ونشوف
قلع المدير البنطلون وطلع الغيار لونه مش أزرق وفعلاً رجّع الراجل فلوس
المدير

التفت الراجل للموظفين اللى كانوا بيتابعوا وقالهم: أهو قلّعتلكم المدير ز ي ما راهنتكم

كل واحد يجيب 5000 جنيه حسب الإتفاق......