ياترى هو ايه الحب اللى بتدور عليه ؟ ياترى انت شايف اللى بتحبه ايه

من طرف ahmed kamal السبت فبراير 06, 2010 2:02 pm

السلام عليكم ورحمة الله وبركاته

أهلا بيكم مجددا أصدقائى مع موضوع جديد ويدور حول قضية خطيرة من قضايا الحب والرومانسيه :

( هو ده الحب اللى بدور عليه )

مبدأيا أى حد يدخل الموضوع يعتبر العنوان ده سؤال ويفكر فى أجابته وبعد مايقرأ الموضوع يجاوب ويتكلم بأحساسه وعقله

وبقلب مفتوح

( الموضوع )

مبدأيا محدش يقدر او يتوقع الحب فين او ممكن نلاقى مكانه لأن الحب ممكن نلاقيه حوالينا ومنكونش حاسين بيه

الفكره والكلام الصح اللى المفروض يتقال ياترى بعد ماتحس وتقابل الشخص اللى قالك بحبك ياترى طلع ده اللى انت حلمت

بيه ياترى ده فعلا كان اللى نفسك فيه

ياترى انت شايف الحب أزاى ؟

انا شايف الحب :

الحب أسمى كلمة فى الوجود الكلمة دى بصحى وبنام عليها كلمة مبنسهاش كلمة دايما بتعامل بيها مع كل اللى حواليا مع كل الناس كلمة حاسسها قوى كلمة جوايا ساكنه فى كل جوارحى ومعالمى بالتالى أى حد بيتعامل معايا هيحس ده من غير ماأقوله بحبه
لما نعيش وتكون قلوبنا مفتوحه لكل الناس أكيد الحياة بيبقى ليها شكل ولون ومذاق أخر
محدش يقول افتح قلبى عشان اختار من وسط الناس دى حد يحبنى اقوله هنا لاء انت لما تفتح قلبك هتفتحه عشان ده المفروض انه يتعمل ولما احساسك ومشاعرك توصل للناس مسير يطلع من وسط الناس دى واحد بس يفهمك ويحسك ويقدر مشاعرك
موش اى حد يضحك معانا ويبتسم فى وشنا يبقى بنحبه ويحبنا فى شىء عام وفى شىء خاص
خليك دايما انسان طبيعى قابل الحب بحب وقابل اللى يجرحك برضه بحب مقولتش متاخدش موقف خد موقف بس موقف ايجابى موش سلبى خلى عندك قوة شخصية انك تقدر تغير الناس من حواليك بس تغيرهم للأفضل
كل دى حاجات مهمه من خلالها بتبدأ كلمة الحب
تعالوا لما نحلم بحب وشخص نفسنا نقابله هيكون ايه صفاته وبدون مبالغة أو مجاملة هقول :
نفسى فى شخص يكون جميل الشكل حسن المظهر طاهر القلب حسن الخلق
ساعتها اقول عيونى وقلبى شافوا صح ولما اقول بحبك متكونش مجرد كلمة اتقالت وبس تكون عبارة عن حلم قابلته جوه عيون الشخص اللى قدامى شخص من غير مايفرض شخصيته عليه لقيته بياخدنى لدنيا تانيه
شخص قادر طول الوقت يسحرنى بكلامه يبهرنى بموقفه وتصرفاته
شخص قادر يكون قدى فى الحياة
شخص قادر يعطينى الأمل والحنان
شخص قادر يلمس ويكون دواء جروحى شخص يكون حته منى ماشى جوه شريانى
شخص حبنى لذاتى حب فيا حياتى حب فيا صفاتى حبنى زى مانا حبنى قادر يغير فيا عيوبى
شخص قادر يكمل معايا المشوار
شخص انا شوفت فى عيونه وشخصيته خياليه او مستحيلة

خلص فجأة موضوعى وسبت الموضوع مفتوح ليكم ودلوقتى الكلام بقى ليكم وفى أنتظار مشاركات قوية وحقيقية وفعاله من الجميع

الموضوع ده هيترتب على اساسه حاجات كتير !!

اتمنى اشوف أجابة عن سؤالنا : ( ياترى هو ايه الحب اللى بتدور عليه ؟ ياترى انت شايف اللى بتحبه ايه ؟ )

المشاركه مفتوحه من والى الجميع اولاد وبنات

======================

الموضوع كتابة وتأليف :

ahmedkmal
احمد كمال

========================
مع خالص حبى وتحياتى وتقديرى
ahmed

من طرف **letto_love** الإثنين فبراير 08, 2010 12:42 am

الله الله علي الكلام الجميل ده
شكرا لموضوعك
تقبل مروري
محمد موسي

من طرف ahmed kamal الخميس فبراير 11, 2010 3:45 pm

الحب اللي بدور عليه واحده محترمه متحبنيش بسهوله كده لازم تعرف مين الشخص اللي قدامها الاول
واحده تكون متربيه تربيه سليمه ولبسها محتشم
واحده تقدرني كويس
والله يا جماعة لو قعدت اقول صفات هقول كتير اوي
بس من الاخر انا مش ببص علي ولا شكل ولا جسم
الشكل والجسم اللي شباب اليومين دول اول حاجه بيبصولها بجد
بس احب اقولهم ان ربنا قادر يخلي الشكل اللي انتا حبيتها علشانه ده يتمحي ويتشوه
من السهل جدا يحصل اي حاجه في وشها
انتا بتبقي ضامن وانتا خارج انك هترجع سليم؟؟
ربنا قادر علي كل شئ
الوش ممكن يتعرض لحادثه ممكن يقع عليه زيت ويتحرق
انما القلب لو وقع عليه بنزين مش هيتغير ابدا
تحب واحده علشان قلبها صعب تخدعك
انما علشان شكلها بمجرد ما هتلاقي شكلها حصله حاجه هتلاقي نفسك بتسيبها بمشاكل بعد ما اتدبست بقي وحبيتها واتجوزتها.

انا بقول ياجماعةان الانسانه اللي هتربط بيها انا هبقي محظوظ بيها وهي هتبقي محظوظه بيا
لاني هطبق فيها كل كلامي عن الحب اللي استفادته من وجهات نظر الناس واللي اتعلمته من خبرتي الصغيرة في السن الكبيرة في العقل.

وانا شايف اللي بحبها انسانه محظوظه مش غرور مني والله بس بدام ربنا خلاها تيجي في طريقي وتبقي من نصيبي يبقي ربنا بيحبها لانه استحاله يبعت لواحد طيب وبيتقي ربنا وبيخاف منه استحاله يبعتله واحده مش محترمه
"الطيبون للطيبات"
وبدام انا محترم مليون في الميه ربنا هيبعتلي انسانه محترمه
وبدام بعتلي انسانه محترمه يبقي وانا مغمض هحترمها وهعيشها حياه سعيده وعمري ما هزعلها في يوم.