كورس المعهد البريطانى

من طرف sea lover الثلاثاء فبراير 09, 2010 1:10 am

السلام عليكم ورحمة الله

شباب اخباركم ايه يارب تكونوا كلكم بالف خير

فى كورس لغة انجليزية منحة من المعهد البريطانى ف الكلية يوم واحد مكثف

وكمان المدرسين بتوعه اجانب

والكورس دا اجبارى على كل طلبة لغة انجليزية جميع الفرق

كل المطلوب صورة من البطاقة الشخصية تقدمها مركز المعلومات

ودا حيكون يوم22 و21 فبراير

لما تروح تقدم صورة البطاقة حياخدوا رقم تليفونك علشان يبلغوك انت ميعادك امتى

وسنوافيكم باي تفاصيل جديدة
لكم منى اطيب وارق التحية

من طرف hamada.elalamy الخميس فبراير 18, 2010 1:36 pm

ياسلام اجبارى طب ازاى
طبعا اكيد مجانا طالما اجبارى

وبعدين افرض ان يكون فى ناس منعاها ظروف من الحضور ايه زنبهم

اكيد اكيد كورس اى كلام ومش جدى ...........

على فكرة اخر يوم امتحانات سمعت من واحد صحبى بيتكلم فى الموضوع ده
بس ما ركزتش معاه......

شكرا عاشقة البحر على المعلومات

من طرف sea lover الجمعة فبراير 19, 2010 1:31 am

اولا هو مجانى فعلا

ثانيا مش عارفة ازاى ممكن الناس تتعتذر او كده

بعدين يمكن يكون فى امل ان يكون حاجة كويسة احنمال

عارفة احتمال ضعيف بس يمكن

ربنا معانا

من طرف sea lover الجمعة فبراير 19, 2010 1:34 am

الموعد اتحدد خلاص
يوم الاحد ان شاء الله الكورس من10 الى1 ظهرا ف الكلية
طبعا مش عارفة فين المكان اللى يكفى 6 دفعات مع بعض ازاى مش فاهمة والله
بس دا مش جديد ع الكلية طبعا
لكم تحياتى

من طرف Cinderella Batty الجمعة فبراير 19, 2010 7:08 am

ازيكم ياجماعة أنا اخر مرة سمعت ان الكورس ده لفرق عام بس

من طرف hamada.elalamy الجمعة فبراير 19, 2010 10:00 am

السلام عليكم
ازيك يا سندرلا ازيك يا عاشقة البحر

الصراحة هى حاجة كويسة انه يكون فى شى كويس زى الكورس البيريطانى دة

وللكلية الشكر انها بتوفر حاجة زى كدا
بس الخوف انها تكون حاجة اى كلام وما حدش يستفاد منها يعنى كدا والسلام زى الروتين يعنى

بس انا سمعت واحد صحبى بيقول هما عملو كدا علشان فى معيدات انجليزى فى الكلية وبالبلدى كدا " مش لقينلهم شغلانة " فاخترعولهمحكاية الكورس

وانا شفت كام واحده منيهم فى الامتحانات ويمكن يكون دة مش سبب بس حبيت ادى فكرة ليكم

وبعدين ازاى 6 دفعات انا اللى اعرفه ان الكورس دة لعام بس دة اخر ما سمعته وانا ماشى

على العموم مش مشكله ربنا معاكم يا دفعت عام وربنا معاكى يا عاشقة البحر

واحسن انك تكونى فى الكلية يمكن النتيجة تظهر انتى وهناك وتبشرينا بالخير انشاء الله

والسلام عليكم ورحمة الله وبركاته

من طرف sea lover الأحد فبراير 21, 2010 1:24 am

اول مرة اعرف ان3و4 اساسى مش حياخدوا معانا
حتى لو عام بس برضة ازاى 4 دفعات ياخدوا مع بعض

اول مرة كمان اعرف حكاية ان المعيدات دول هم اللى حيدرسوه كده تبقى الدنيا 0000000000000

ربنا يستر وييسر كل عسير
وان شاء الله موفق ف الامتحانات ياعلامى

بس انت عارف النتيجة مش قبل نص مارس محصلتش قبل كده
موفقين ان شاء الله

من طرف hamada.elalamy الأحد فبراير 21, 2010 2:12 am

هى عام بس اللى حتاخد الكورس ودة اكيد

واظن ان الميعدات اللى وجوهم جديدة فى الكلية هما اللى حيدرسو بس مش متاكد

وربنا يوفق زمايلنا فى الكورس دة وتستفيده

وبالنسبة للنتيجة انا صاحب مبدا " وقوع البلاء ولا انتظاره "

يارب تكونو فهمتونى

من طرف sea lover الأحد فبراير 21, 2010 2:21 am

طبعا فاهمينك
بس من فضلك حبة تفاؤل ليه بلاء م يمكن خير
تفائل تفائل تفائل

من طرف hamada.elalamy الأحد فبراير 21, 2010 2:29 am

لا الصراحة اللى شفته ايام الايمتحانات كان صعب صعب للغاية
لدرجة انى كنت اروح الامتحان وانا عايز انام

كنت اطلعمن اللجنة اول واحد وقبل نصف الوقت وكنت بخلص الورقة بدرى ومافيش امتحان ولا سؤال والا كنت كتبته

بس ليه السنه دى مختلفة عن السنين اللى فاتت

طب فى حد يصحى من النوم الساعة 7م ويصحى يذاكر لحدة الساعة 2ص

بعد كدا ينام ويصحى يراجع ساعة او نصف ساعة قبل الامتحان ويدخل الامتحان ويطل وهو مش متاكد ان كتب صح ولا لا

طب مش مصدقين عادى بتحصل

من طرف sea lover الأحد فبراير 21, 2010 2:38 am

لا مصدقين وعادى بس انا بقولك تفائل لان الحل مالهوش علاقة بالتقدير
يعنى ممكن تكون حليت بس مش بتلاقى تقدير او ماتحلش وتاخد عادى جدا والله انا على طول بتحصل معايا اتعودت خلاص
علشان كده تطلع من اللجنة تنسى اللى حصل جواها كله وعادى يعنى
ناجحين كلنا ان شاء الله

من طرف hamada.elalamy الأحد فبراير 21, 2010 2:45 am

معاكى حق فى اللى قولتيه يا عاشقة البحر
وبجد انا برتاح من كلامك ومن تفكيرك العظيم فى تلك الامور

وانا بتمنالك التوفيق انتى وكل زملائك

من طرف sea lover الأحد فبراير 21, 2010 3:36 am

ربنا يخليك يا علامى
وكلنا ح ننجح ان شاء الله
بس قول يا رب

من طرف hamada.elalamy الأحد فبراير 21, 2010 12:52 pm

يارب ننجح ونشوفك يا عاشقة البحر معيدة فى الكلية انتى وسندرلا ساعتها يمكن اكون انا لسة بدرس
ويمكن تنفعينى ايام الامتحانات بما انك حتكونى معيدة وانا انفخ فى نفسى واقول المعيدة دى كانت معايا بتدرس

هههههههههههههههه
طبعا كلام خيالى وبالتوفيق ياستى انتى وكل اللى معاكى فى الدفعة واللى فى الكليه كلها كمان

واحب اقولك عربى هما احسن ناس ؟؟؟؟؟؟؟؟؟؟؟؟؟؟!!!!!!!!!!!
بدون تعليق

من طرف sea lover الثلاثاء فبراير 23, 2010 8:14 pm

معيدة ايه بس لا اطمن انت كده توكلت على 00000000 يعنى لاحتنفخ ف نفسك ولا حتتحول لديك رومى ارتاح
ان شاء الله ننجح كلنا يا رب
وايه بقى حكاية احسن ناس دى لالالالالالالالالالالا مش معنى ان الطلبة المحترمين بتوع انجليزى بيتواضعوا ويكلموكم تتفتكروا انكم احسن ناس لا طبعا مين قال كده
وكمان كاتب بدون تعليق ماااااااااااشى بكرة تشوف بتوع انجليزى دول
ونشوف كمان مين احسن من مين ماشى يا عم هههههههههههه

من طرف hamada.elalamy الأربعاء فبراير 24, 2010 1:04 pm

انتو بتوع انجليزى ليكم سنة بتقولو بكرة حتشوفو بتوع انجليزى حيعملو اية , بكرة حتشوفو بتوع انجليزى حيعملو اية

ما تورونا حتعملو اية بس " صحيح دفعة كلام "

وانتو تطولو تكلمو عربى الناس الملتزمه واللى ما بتسيبش فتفوته ولا حتى ذرة علم والا جبتها
"طبعا كلام خيالى " بدون تعليق

ورينا بقى دفعتك حتعمل اية

ههههههههههههههههههههههههههههههههههه الى مالا نهاية

من طرف sea lover الأربعاء فبراير 24, 2010 3:18 pm

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه تصدق بجد ضحكتنى قال دفعة عربى قال
لو سمحت يا علامى شوفلك بطانية واتغطى ونام بلا عربى بلا00000000000000
سلام ياعم الملتزمين انتو هههههههههههههههههههههههههه

من طرف hamada.elalamy الخميس فبراير 25, 2010 1:22 pm

حلوة شوفلك بطانية واتغطى دى

هو فى بنت تقول كدا دا اكبر دليل على ان دفعة انجليزى بتلم وخلاص هههههههه الى مالا نهاية

واية عندك دليل ان احنا دفعة عربى مش بنحضر ولا ملتزمين
ما عندكيش دليل طبعا

من طرف sea lover الخميس فبراير 25, 2010 11:18 pm

hamada.elalamy كتب:حلوة شوفلك بطانية واتغطى دى

هو فى بنت تقول كدا دا اكبر دليل على ان دفعة انجليزى بتلم وخلاص هههههههه الى مالا نهاية
كده عيييييييييييييييييييييييييييييييب يا علامى عيب اوى
واية عندك دليل ان احنا دفعة عربى مش بنحضر ولا ملتزمين
ما عندكيش دليل طبعا

من طرف hamada.elalamy السبت فبراير 27, 2010 2:04 pm

sea lover كتب:
hamada.elalamy كتب:

كده عيييييييييييييييييييييييييييييييب يا علامى عيب اوى

استــــــــــــــــــــر يـــــــــــــــــااااااااااارب

كورس المعهد البريطانى

كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى

رد: كورس المعهد البريطانى