معركة الانتخابات القادمة

من طرف ahmed sarhan السبت مارس 13, 2010 3:11 pm

معظمنا طبعا يعرف ان الانتخابات الرئاسية قربت
وان النظام الحاكم قاعد على اعصابه وعلى صفيح ساخن من الحراك السياسى الغير مسبوق من اكتر من 28 سنة.فنلاقيه يكثف حملات اعتقاله للمعارضين سواء كانو اخوان اوغيرهم.
كمان نلاقيه يحاول الهاء الناس بحاجة تانية زى الكورة والحملة الاعلامية سواء ضد الجزائر او الاهتمام الزايد عن حده للفوز بكأس الامم الافريقية وغيره وغيره......
لأول مرة نشوف تكتل قوى المعارضة واتفاقها على خطوات موحدة لانقاذ البلد من اللى هى فيه(اينعم انها احزاب هشة وضعيفة لكن الخطوة نفسها تدينا امل)
النهاردة(3/13)كان اجتماع الاحزاب المعارضة وبعد توجيه انتقادات لازعة للنظام اجمعو على ضرورة تعديل مواد الدستور اللى تم تشويهها وتفصيلها من قبل ترزية النظام وحاشيته
المواد دى بتضيق الخناق وتصغر دائرة مرشحى الرئاسة بل تختزلهم فى عدد من الاشخاص يكون النظام راضى عنهم.
فالمفروض يكون فيه اهتمام شوية بالجانب السياسى لان اصلاح اى دولة يكون متعلق بمدى الاصلاح السياسى (مش معنى اهتمامنا بالسياسة انى اتظاهر واحتج ,لكن عالاقل اكون متابع وعارف الدنيا ماشة اذاى ولازم طبعا يكولنا صوت انتخابى) عالعموم انتخابات الشورى وبعدها الشعب هيبين مدى جدية النظام فى الاصلاح السياسى خاصة ان الريس اكد ان الانتخابات القادمة هتكون نزيهة(وان شاء الله تكون نزيهة على حق)