خريجى كلية الاداب قسم اللغة الانجليزية,يعملوا ايــــــــــه؟!!!

من طرف عمر الأحد مارس 14, 2010 4:48 pm

بسم الله الرحمن الرحيم
يا حماعة انا طبعا سمعت كتير من اصحابى عن الخطوات اللى ممكن نعملها بعد التخرج بس مش شايف ان فيه حاجة اكيدة لأن كل واحد كلامه بيعبر عن رأيه او اللى هو كمان سمعه من حد تانى

ماطولش عليكم بس انا محتاج افهم شوية حاجات لو حد يقدر يساعدنى اعرفها و تكون اكيدة اكون شاكر جدا

اولا: بعد التخرج من كلية الآداب قسم لغة انجليزية , ايه مثلا وظايف او اى حاجة متاحة لينا بدون تكملة اى دراسات؟

ثانيا: حاجة محيرانى وهى موضوع عمل دبلومة و دى فى مجالين:
1- دبلومة تربية: ياريت بس افهم مدتها و اماكن و طرق دراستها, والنتيجة انى اعادل طالب كلية تربية ولا ايه بالضبط؟
2- دبلومة ارشاد: ودى كمان ايه نظامها و مدتها و كدا؟

ولو فيه حاجة انا معنديش علم بيها كمان ياريت حد يساعدنى افهمها و بجد هكون شـــاكر ليكم جدا

من طرف **RADWAN** الأحد مارس 14, 2010 9:27 pm

اهلا اخى عمر ازيك عامل ايه احب اقولك اول شىء ان شاء الله كل انسان بياخد نصيبه بس الاهم اننا نسعى ونعمل اللى علينا وانا مبسوط بيك جدا لحماسك فى تكلمة دراستك بعد الكلية ندخل فى الموضوع بقى:
بخصوص خريجى اللغة الانجليزية يتم اختيار اولا خريجى طلاب كلية التربية الاساسى ثم خريجى التربية العام ثم خريجى طلاب كلية الاداب من حيث التعيين ونظام التعيين بيكون طبعا حسب التقديرات يعنى من ممتاز الى جيد جدا الى جيد وبيكون اول شىء بيتيعن الخريج بنظام الاجر وبيتوزع على المدارس المحتاجة يعنى فى حاجة الى شغل مدرسى هذه المادة يعنى بيكون فيها عجز ثم بعد ذلك بتطلب مديرية التربية والتعليم فى حالة توفير عقود بتوزيع هذه العقود على الادارات واللى شغال بالاجر بياخد عقد لمدة معينة ثم يجدد هذا العقد وهكذا.
علشان يتساوى خريجى الاداب مع خريجى التربية لابد من اخد الدبلومة العامة وهناك معلومات عامة عن هذه الدبلومة اضغط هنا http://edu.shams.edu.eg/%D8%A7%D9%84%D8%AF%D8%B1%D8%A7%D8%B3%D8%A7%D8%AA%20%D8%A7%D9%84%D8%B9%D9%84%D9%8A%D8%A7/%D8%A7%D9%84%D8%AF%D8%A8%D9%84%D9%88%D9%85%D8%A9_%D8%A7%D9%84%D8%B9%D8%A7%D9%85%D8%A9_%D9%81%D9%89_%D8%A7%D9%84%D8%AA%D8%B1%D8%A8%D9%8A%D8%A9.htm

وعلشان تقدم على الدبلومة ديه بتروح كلية التربية فى الجامعة بتاعتك وبتاخد صورة من شهادة التخرج وصورة بطاقة شخصية وصورتين شخصية وتكاليفها حوالى 560 ج ومدة دراستها سنة.
اى استفسار تانى استاذ عمر انا مع حضرتك وتقبل مرورى
مع خالص تحياتى اخوك رضوان

من طرف عمر الأحد مارس 14, 2010 9:52 pm

1000 شكر قليلين عليك اخى رضوان , وبجد انت بتعمل مجهود جامد فى خدمة و مساعدة الطلبة وانا شوفت دا فى اكتر من موضوع.و كدا انا فهمت تمام لأن كدا كدا انا مش مهتم بدبلومة الارشادفاضل بس نقطة صغيرة و هى موضوع التجنيد, الدبلومة دى طبعا متنفعش تأجل التجنيد؟ قصدى انه اجبارى الجيش الأول ان شاء الله بعده الدبلومة ولا هي ممكن تأجل التجنيد, انا عارف ان رخمت كتير كدا بس جايز الاجابات تكون مفيدة ليا دلوقتى و لغيرى بعدين ان شاء الله

من طرف **RADWAN** الأحد مارس 14, 2010 10:04 pm

لا يمكن تاجيل التجنيد التجنيد الاول لانه اجبارى قبل الدبلومة

خريجى كلية الاداب قسم اللغة الانجليزية,يعملوا ايــــــــــه؟!!!

خريجى كلية الاداب قسم اللغة الانجليزية,يعملوا ايــــــــــه؟!!!

رد: خريجى كلية الاداب قسم اللغة الانجليزية,يعملوا ايــــــــــه؟!!!

رد: خريجى كلية الاداب قسم اللغة الانجليزية,يعملوا ايــــــــــه؟!!!

رد: خريجى كلية الاداب قسم اللغة الانجليزية,يعملوا ايــــــــــه؟!!!