(1 ) كيفية استخراج أوراق الجيش قبل منطقة التجنيد ( للشباب فقط )

السلام عليكم و رحمة الله و بركاته
1- بعد انتهاء الإمتحانات اذهب الى مكتب التجنيد في مدينتك (غالباً يكون مكتب التجنيد في مركز الشرطة ) ، و اطلب استخراج الفيش الجنائي <صحيفة الحالة الجنائية المؤمنة - العادية>و خذ معك عشرة جنية >.
2- سوف يسأل الموظف لأى جهة هذا الفيش ، فقل له للتجنيد ، ثم يأخذ بصماتك و يقول لك ميعاد استلام الفيش . < يفضل أن يكون معك مناديل لتنظيف يديك من اثر الفيش >.
3- اذهب في الميعاد المحدد لإستلام الفيش .
4- انتظر حتى تقوم الكلية بالإعلان عن صدور الشهادات المؤقتة ، و لا تتأخر في احضار الشهادة لأى سبب من الأسباب .
5- بعد استخراج الشهادة المؤقتة ، اذهب الى مكتب التجنيد و معك التالى :
** 1- أصل الشهادة المؤقتة .
** 2- بطاقة 6 جند من مندب التجنيد
** 3- صورة من البطاقة الشخصية .
** 4- فصيلة الدم < يتم استخراجه من أى مستشفى حكومة و انت واقف > .
** 5- أصل شهادة الميلاد .

بعد تقديم هذه الأوراق ، سوف تستلم ورقة من مكتب التجنيد عبارة عن فيش اخر < يسمى فيش البصمات > ، فتذهب الى الموظف < اللى عملك الفيش الأول > ، ثم يوقع على الورقة رئيس الحى ، أو شيخ البلد كل حسب مكانه .

و بعد تسليم هذا الفيش في مكتب التجنيد ، سوف يعلمك بميعاد استلام اوراقك ، و يجب أن تذهب في هذا الميعاد و أنت حالق ذقنك و شعرك ، و ليس مطلوبا أن يكون شعرك نمرة واحد و لا أى حاجة من اللى بتسمعها دى ، بس مش طويل .


استلم أ وراقك و انطلق الى منطقة التجنيد .




يتبع .....

الله عليك يا محمد موضوعك هايل ومهم جدا ومفيد خصوصا لشباب الفرقة الرابعة السنادى هههههههههه يلا شدوا حيلكوا يا شباب وربنا معاكوا وشكر خاص تانى ليك يا محمد على الموضوع الجامد ده