ضحكxضحك

واحد غبي كان بيدق مسمار في الحيطه فوقع فقاله تعالى ما جاش، تعالى ما جاش، قام جاب شويه مسامير ورماهم عليه وقالهم...هاتووووووه

مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك ياأستاذ

مجموعة في مستشفي المجانين قرروا الهروب فالزعيم بتاعهم قال لهم الخطة بسيطة، ناخد معانا سلم عشان لو لقينا السور عالي نطلع السلم، و لو لقيناه واطي ننط من فوقه. فلما وصلوا لقوا ان المستشفي من غير سور قالهم ياللا نرجع الخطة فشلت
سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله
واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النورو أكلها
واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذا الباقي، فاخرج الرخم قرش من جيبه ورماه فوق ال( 12) قرش وقال للجرسون كمان واحد فول
مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب
واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد
تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه


مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته
مرة اثنين مساطيل قاعدين على القهوة فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام المسطول التانى لافف وشه وقايل ولا كأنى سمعت حاجة
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين
مرة واحد محشش لقي كنز قال: كويس فاضل الخريطة
توأم بيقول لأخوه التوأم وهو متنرفز إنت كنت فين ياعم أمك حمتنى مرتين
ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد
مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه
مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك
مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة

شكرا لك اخى

هههههههههههههههههه مشكووووووووووووورة سارة حبيبتى ده متهيألى أول موضوع ليكى وكمان والله اجمل نكت سمعتها على العموم اهلا بيكى فى منتداكى منتدى الكليات لجامعة جنوب الوادى ونتمنى منك المزيد ولو احتجتى اى حاجة حبيبتى سارة انا معاكى هنا علطول معلش دوشتك يا سارة هههههههه وتقبلى مرورى........أختك أدمن

كده برده انا دوشتك يا سارة طيب يا عم متكلمينيش تانى بس يلا كده انا مخصماكى

السلام عليكم ايه يا ادمن انتى بتزعلى بسرعة ههههههههه على العموم هالا بيكى معنا فى المنتدى الجديد يا سارة ومنورانا والله وان شاء الله تكونى من الاعضاء المهمين بالمنتدى وكل سنة وانتى طيبة شرفيتنا وتقبلى مرورى أختك وفاء

شكرا ليكى يا فوفو ايوة كدة اقفى جنبى وانا بخبط فى الحلل من اولها ادمن بليز بليز متخصمينيش وتعالى نتخانق فى موضوع تانى علشان الصفحة جابة اخرها هاكتبلك موضوع جديد معليش دوشتك ياادمن نتقوليش حاجة انا عارفة احلى دوشة فى الدنيا ولا اية يا فوفو كل سنة وانتم طيبين

عشل خاالص عاوزين اكتر

عشل خاااااااالص