نصائح هامة لمن يريد الالتحاق بالكليات العسكرية

من طرف **Admin** الجمعة يناير 01, 2010 1:29 am

أحب
أستغل الفرصة وأنصح كل متقدم أنه يبدأ يتجهيز نفسه رياضيا ..تمرينات لياقة
, جري (يستحب فترة الفجر أصحى أشرب كوب لبن كبير أنزل صلي الفجر بلبس
رياضي , أجري في شوارع البلد الفاضية وفي أحسن وأروع جو تقدر تجري فيه
وينظف الرئتين أجري على الكرنيش لو كنت في مدينة على النيل أو على البحر
أجري في شوارع المدينة في أقرب جنينة أو في أي حتة المهم حاول تخلي الجري
لمدة ساعة , بين جري بطيء وسريع) لو معرفتش أجري في نادي في أي وقت , لو
مش متاح أجري في بيتك في مكان رايح جاي...المهم مفيش حاجة توقفك. بعدين
اللياقة مهمة جدا وهتعرف أهميتها أكتر أثناء الأختبار الرياضي..أرجو أن
المعلومات اللي في الموضوع دا تفيدكم:
نصيحة أخيرة أهتم بالتغذية
ووبطل أي حاجة ممكن تضرك (سجائر (أو الجلوس باماكن فيها مدخنين لأنك هتكون
ساعتها مدخن سلبي ودا ألعن أنواع التدخين!) - عادة سرية (هتأثر على مستوى
جهازك العصبي وبالتالي في الأختبار الرياضي هتكون مشكلة ) - سهر (نوم
الخفافيش ضدك حاول ظبط أوقات نومك قوم الصبح نام بالليل ببساطة ومبقولكش
متتفسحش ومتسهرش مع أصحابك , كل شيء بالعقل ...عايز ضرب سهرة جامدة لحد
الفجر براحتك بس خليها مرة ولا حاجة في الأسبوع ) - عادات غذائية خاطئة (
بلاش في الشهر دا تأكل شيبسي وبسكوت وتشرب بيبسيسي !..ليه ؟ لأن الحجات دي
بالإضافة لضررها على الجسم بتوهم جسمك أنك شبعت وبالتالي مبتتغذاش كويس كل
فواكه وخضار كتير أشرب على الأقل كوب لبن يوميا و وبيضتين على الفطار
...كل بجد الفترة دي لو عايز تأكل حاجة وأنت بتتفسح خليها عصير أو كيس لبن
من الجاهز وسيببك من تريقة صحابك الفترة دي بالذات يعني لو حد قالك أجيبلك
مع اللبن سريلاك أو ري ري , متحطش في دماغك أنت واحد قدامك هدف وبتمشيله ,
قاعد على قهوة أطلب عصير مفيش أطلب سحلب ..إلخ) نصيحة أخيرة أنت بيقدم
معاك ما يقرب من مائة ألف شخص مطلوب منهم حوالي سبعمائة , مش هيوصل إلا
المتميزيين فقط , أعمل كل الله في وسعك وسيبك من أي محبطات ومن أي كلام
محبط هتسمعه ....الواسطة هي الشذوذ عن القاعدة , لو فشلت يبقى فشلت لأن
فيه حد أحسن منك إلا لو طلعت بسبب الكشف الطبي ودي حاجة خارج إرادتك ,
كمان حاول تتفوق في مجموعك في الثانوية العامة لأن المجموع العالي يعتبر
كارت ذهبي في الكليات العسكرية بيتأكدوا أنك مقدم حبا في الكلية دي مش زيك
زي ألاف مؤلفة مقدمين لأنهم جايبين 54% ومش لاقيين غير الكليات العسكرية ,
يعني طلاب ثانوي يذاكروا جامد , كمان أي شهادات رياضية هتفيد جدا لو كان
عندك وربنا يوفق الجميع وأي سؤال أن في الخدمة

منقوووووول